警長涉勒索「非禮男」萬元

涉案四十九歲被告張偉基，被控於一七年七月十三日以恫嚇方式要求男事主X交出一萬元，並盜去X的一萬元。

休班搭港鐵稱目擊犯案

X昨在庭上供稱，案發下午六時，他乘港鐵在太子站轉車，期間，身穿便衣的被告在月台向X出示證件套，套內的紙上有類似警徽標誌。

被告聲言目擊X曾在地鐵內非禮一名穿黑裙的女子，兩名同袍亦目擊過程，而該女子正被帶往警署備案。X當時連番否認非禮，但被告仍要求把X帶返警署，並取出手銬謂：「呢度咁多人，你都唔想咁肉酸上手銬，乖乖跟我返差館。」X遂依言。

途中，被告又向X稱：「拉非禮好平常，我尋日先拉咗個醫生！」X要求勿去警署，被告未有理會，反而威嚇：「聽日你邊度都唔使去，你準備上庭啦，通知你公司、老闆，將呢件醜事揚開去，到時你無前途啦！」X遂反駁，若被告看錯，自己便「死得不明不白」。

由於被告一口咬定X有非禮，X改變解釋方法。X稱假若自己真的有非禮，便會向該女子致歉，又向被告游說：「你當差咁多年差，應該睇得出我係好人，可唔可以用第二個方法放我走」。法官此時在庭上警告X，相關作供或會招致刑責，X一度稱思緒混亂，但最終決定繼續作供。

事主指事件似街頭騙案

X續指，被告當時查問「有冇錢？一兩萬都有啩？」當X回應有一萬元時，被告便稱要向X收罰款：「我都覺得你係個好人，不過又唔可以就咁放咗你」。X遂到銀行提取一萬元並交予被告，被告收錢後表示：「呢啲當係罰款，唔好畀我再見到你」，然後着X離開。X庭上堅稱未有做錯事，交「罰款」當是破財擋災。惟他回家與妻商量後，覺得「成件事好似街頭騙案」，翌日到警署報警。

案件編號：DCCC 1116/2017