探射燈：揀臘肉秘訣 肥瘦分明有光澤
內地黑心臘肉頻頻出現，除一六年爆出在東莞有衞生惡劣的臘腸腸衣工廠，一二年八月及十二月亦先後於深圳踢爆有工場以工業鹽醃製臘肉。市民如何揀選「靚貨」自保？在本港銷售臘味多年的金城號負責人林先生表示，「靚嘅臘肉應該一節節分開，睇到一節肥一節瘦，顏色鮮明、有光澤，聞落好香醬油味。」若臘肉的顏色啞黑、出現過腍或過硬的狀況，則屬不理想。
勿貪平買促銷貨
林承認，一般人難靠肉眼區分黑心食物，「普遍市民只可以分辨新鮮同唔新鮮，連我哋行內人都只會搵相熟嘅舖頭入貨，千祈唔好貪平買不明來歷嘅促銷貨。」他補充，政府每年派人到店內抽樣化驗，一旦發現化學成分超標，會即通知或撤換生產商，以免進口有問題貨品。
食評家劉健威提醒市民，買臘肉製品應找可靠的品牌，進食時應留意臘肉是否出現異味或油饐味、口感會否太腍。「除非搵四川、湖南呢類特別醃製嘅臘肉，如果唔係本港都有好多大品牌出臘肉，品質較有保證。」