近日政府提出取消強積金對沖嘅新方案，但商界表明唔收貨，擔心中小微企壓力增大，補貼期完結後或出現裁員情況。勞工及福利局局長羅致光話曾考慮按企業大小，分兩級同三級制補貼，又指補貼期後僱主裁員嘅機會較低，兼且又形容「唔會貪多少少豉油，出多一隻雞」，事關政府喺第十二年嘅補貼只佔百分之五，遣散開支九成五唔會屬僱主嘅錢嚟嘅。講到咁，羅致光似係有把握商界最後會收貨喎，係咪過分樂觀呀？
