政情：未有港產熊貓 孔令成有壓力
海洋公園係香港唯一有大熊貓展覽嘅地方，可惜至今仍未有一隻喺香港出世嘅大熊貓，海洋公園主席孔令成都話好想大熊貓盈盈快啲生BB，日本等地嘅大熊貓都已經生咗，令到佢都覺得有壓力，公園已經盡量做，亦已經試過好多方法，希望盈盈可以早生貴子。
嫌海洋公園食物差 同廚師試味
佢又提起十幾年前仲未做主席時，喺海洋公園食嘢覺得勁難食，即刻出錢買咗啲嘢食畀董事局試，個個都覺得唔好味，之後就決定要改變，所以依家就親自同廚師一齊試味，又周圍請教人，食物嘅質素都明顯提升。
近日海洋公園舉辦歌酒節，今日係最後一日，佢計劃將部分歌酒節嘅攤位，做好所需嘅改劃同牌照申請後，變成永久攤位。