政情：有相為證：飛機冇WiFi 沈運龍瞓得安穩
好多人都覺得機艙嘅環境唔及得屋企咁舒服，難以入睡所以提起搭長途機都話怕怕，但係經常到海外傾生意嘅香港中華廠商聯合會常務會董沈運龍，喺飛機上搵周公嘅時間仲可以長過喺屋企，到底有乜嘢秘訣呢？
提議最好搭夜機
佢話最好係選搭夜機，出發前先食個晚餐，進入機艙就座之後，問空姐要杯酒，然後謝絕所有飛機餐同攞本書睇吓，無幾耐就會酣然入夢，呼呼大睡直到飛機着陸。但瞓得安穩嘅重要原因，係飛機上仲未有WiFi，反之屋企有WiFi信號，就會不時留意手機而無心睡眠，所以佢喺屋企嘅睡眠時間好短，上到飛機反而有覺好瞓。