政情：有相為證：高永文教容海恩切筍秘技

本身係骨科醫生嘅食物及衞生局前局長高永文煮嘢食都有一手，日前佢就同立法會議員容海恩（Eunice）一齊拍攝節目。節目中高永文展露廚藝煮冬筍海鮮煲，仲教Eunice切筍秘技。Eunice話，高永文教佢切筍要跟番筍嘅紋理切，否則啲筍就會韌o架喇。鏡頭前嘅Eunice切筍時小心翼翼，好似有啲驚青，佢就話係因為當時好多人望住，其實佢蒸吓排骨、炒吓菜都冇問題。不過問到有冇煮飯畀男朋友食，Eunice就話自己用晒啲時間落區，相信大家都無緣品嘗佢嘅手藝喎。