Party Life：攜幼享樂：上海總會新春晚宴

成立咗四十年嘅上海總會唔單止係個同鄉組織，仲係一個慈善團體，多年嚟喺教育、扶老攜幼方面貢獻唔少。早前舉行新春晚宴期間，理事長李德麟宣布捐贈三百萬元為協康會嘅新幼稚園命名。以善行迎春，倍增溫馨之情。

理事張宗琪（右）及太太應敏華（左）好有向心力，經常出席上海總會活動，當晚趁機同副理事長鄒星培（中）飲番杯。	傳承學院榮譽主席陳裕光嘅女兒陳浩寧（右）做「跟得夫人」，陪老公趙益坤（左）出席自家人晚宴。	常務理事李惟宏（右）喺過年前升呢做爸爸，常務理事車弘健（左）及保良局總理顧東華（中）都叫佢再接再厲。
常務理事金維明（右）幾杯酒落肚後歌興大發，獻唱多首英文金曲，香港浙江省同鄉會聯合會會長詹耀良（左）都讚佢把聲好靚。