社民連梁國雄、香港眾志主席羅冠聰、劉小麗同姚松炎，因宣誓風波被取消立法會議員資格（DQ4），立法會行政管理委員會商討追討佢哋嘅薪津，但又冇共識，於是去信政府問詢，諗住將個波交畀政府，點知政府回覆話可以撇帳，但立法會係有責任追討DQ4嘅薪津，咁即係又將個波踢番畀行管會。身兼立法會主席同行管會主席嘅梁君彥今次真係企咗喺度，唔知點做嘞，究竟追定唔追呢？
