「天下之患，最不可為者，名為治平無事，而其實有不測之憂。坐觀其變而不為之所，則恐至於不可救。」看官，這是蘇東坡《晁錯論》的名句，老朽之所以想起呢幾句，皆因律政司一再放生壹淫媒老闆漢奸黎。漢奸黎多年來宣淫販賤、反中亂港，普通市民都睇到，獨是律政司乜都睇唔到；最令人疑惑不解的是，漢奸黎公然以粗口辱罵及涉嫌刑恐本報記者，有片有圖有真相，事件至今逾九個月，律政司依然如吃了啞藥，一啲表示都冇，本報早前兩度去信質詢，得到嘅係滿紙禪語以及一句傲慢嘅晦氣話：沒有進一步補充！
律政司以為hea覆就可以當乜事都冇發生過？以為冇嘢補充即係「治平無事」？實際上事件令人覺得漢奸黎有政治保護傘，難怪佢可以恃惡橫行，變本加厲妨礙新聞自由，這不就是律政司「坐觀其變」縱容出來的嗎？政治黑金案漢奸黎擺明係主導角色，律政司一句「證據不足」放生之；辱罵及涉嫌刑恐本報記者事件，又扮盲裝啞，咁搞法，香港嘅核心價值──法治精神和司法公正能不崩塌嗎？林鄭的「管治新思維」若然只係玩「大和解」和「大放生」，則肯定為香港撒下不測之憂的種子。
本報日前第三度去信律政司，提出六大質疑，問律政司究竟仲要姑息養奸到幾時？今趟佢連一句「都話沒有再進一步補充咯」都慳番！傲慢無禮至此，老朽恐其已不可救！律政司的「沉默是金」，正應了魯迅所說的：中國人的不敢正視各方面，用瞞和騙，造出奇妙的逃路來，而自以為正路。在這路上，就證明着國民性的怯弱，懶惰，而又巧滑。一天一天的滿足着，即一天一天的墮落着，但卻又覺得日見其光榮。
漢奸黎的劣行明明證據確鑿，律政司竟連告都唔敢告，老朽不知它會否一天一天的滿足着？若然，則香港法治將一天一天的墮落着！