繼觀塘重建計劃「鵝蛋」地標掹得番之後，本來第四同五發展區係合併發展，最近又話要分開發展喎，唔通市建局又反口？市建局行政總監韋志成尋日解畫，話由於第五發展區涉及逆權侵佔，擔心發展遙遙無期咁話。話時話，收地係地政總署負責嘅，韋志成擺明係戴定頭盔，話畀大家聽搞成咁，要怪就怪地政總署，唔好鬧佢嘞！
