中環出更：動物許願節 盧偉國掟寶牒失威

掟足5次都失敗

林村許願節第二年舉行，吸引唔少狗主為愛犬悉心打扮，同其他狗主交流，更設有領養及寵物用品攤位，非常熱鬧。而出席活動嘅盧偉國亦入鄉隨俗去許願樹掟寶牒，並喺掟寶牒之前向有經驗人士求教，包括將寶牒捲細希望減低阻力，不過結果掟咗足足五次，都唔能夠將寶牒掛上許願樹。

盧偉國事後大嘆掟寶牒唔易，因為即使將寶牒掟到樹上，都需要運氣先掛到。佢又認為，掟寶牒與其他許願方式一樣，都係表達願望嘅方式，佢除咗許下市民安居樂業嘅願望外，亦都希望動物能夠同人和平相處。佢其後更借機大談那些年，憶述小學時曾經去林村旅行，不過當年設施配套較少，但環境優美，仲可以走到林村河捉魚同蝦添！

卓妮