政情：有相為證：競選橫額冇相冇名 網民：唔怪得姚松炎輸

姚松炎嘅競選橫額多用紙皮和白布製造，配以手寫字製成。（互聯網圖片）

紙皮白布配手寫字 「以為惡搞」

多名網民喺選戰後上載多幅被指係姚松炎競選用嘅橫額，其中一幅黃底黑字嘅橫額，只有一隻手繪大象，以及「斷頭台」同「不要大白象」寥寥幾隻字，唔見姚松炎個名，亦唔見任何相，網民睇完之後都摸不着頭腦，有人更留言「相又冇，人名又冇，其實可以唔當選舉廣告」；另外姚松炎喺Fb專頁上載嘅照片，可以見到部分橫額原來係用紙皮或白布，配以手寫字製成，唔少網民勁插佢「我以為係惡搞」、「乜原來係選舉banner」，對橫額極為不滿。

• 呢張橫額冇姚松炎嘅名同相，令人摸不着頭腦。（互聯網圖片）

有自稱住喺九龍西嘅網民亦話一張姚松炎嘅選舉橫額都未見過，亦有人留言指唔投姚松炎一票係因為根本唔認識對方。睇番勝出嘅民建聯鄭泳舜，選舉橫額有相有名有口號，姚松炎以惡搞水準嘅橫額應付選戰，難怪網民都話「唔怪得輸了」。