政情:查毅超保護私隱妙計「影相着多件衫」

最近先後有三間旅行社嘅電腦被黑客入侵勒索,網上保安問題引起廣泛關注。身兼香港資訊科技業協會主席嘅香港工業總會副主席查毅超(Sunny)話,唔明點解旅行社特別容易被入侵,可能係同一班黑客所為,亦可能係旅行社嘅網上保安意識較薄弱。所以嚟緊佢會搵香港旅遊業議會主席黃進達一齊合作,向業界加強推廣保安意識。

個個都用手機,唔知Sunny有冇保護私隱貼士呢?佢笑笑口話,唔好放太多嘢上雲端,最緊要唔好亂咁影相,影相時記得着多件衫喎!

第一手消息請下載on.cc東網iPhone/iPad/Android/Windows Phone Apps