政情：謝偉銓回歸「散人」板塊六人組復活

謝偉銓重歸散人行列，「五人組」變「六人組」。（資料圖片）

上屆立法會，建制派六名循功能界別當選嘅議員，包括商界廖長江、陳健波、體文界馬逢國、旅遊界姚思榮、金融界吳亮星同建築界謝偉銓，組成「六人組」，係建制派陣營一個重要板塊；及至前年換屆選舉，廖長江等四人均成功連任，而吳亮星則退下火線，換上中銀香港（顧問）陳振英進身議會，當時唯一未能連任嘅係謝偉銓，今屆立法會「六人組」要改名為「五人組」。

• 謝偉銓（資料圖片）

擊敗司馬文重返議會

隨住原建築界議員姚松炎喺舊年七月因宣誓無效，被取消議員資格，謝偉銓捲土重來參選建築界補選，並喺日前嘅補選中擊敗民主派候選人司馬文，隔年半後成功重返議會，而喺選舉後數日，謝偉銓就火速回歸獨立建制派「散人」板塊嘅懷抱，「六人組」正式復活。