舊愛悲嘆 「好女仔揀錯男朋友」
慘死富家女曾讀名校，前度慨嘆：「佢揀錯男朋友！」與男友上月共赴台灣旅遊度情人節，最後客死異鄉的廿歲少女潘曉穎「阿Wing」，生於小康之家為家中獨女，甚得父母寵愛供她讀女子名校，惟她有感壓力大又無興趣，遂轉讀VTC的美容課程。當年助她轉校、一起搞小生意的前男友，娓娓道出二人熱戀的點滴，縱使二人分手收場，但留下的仍是一段難忘的美好回憶，前度更形容「阿Wing」是「叻女」、對愛情全情投入的「好女仔」，嘆指今次「揀錯男友」，對她遇害感痛心難過，願她「一路好走，來生更好」。
據從事工程行業、現年廿四歲的前男友Andy表示，當年是透過交友群組，結識年紀細他四年的阿Wing，大家一拍即合，旋即發展成為情侶。他指阿Wing生於小康之家，家住藍田，父親經營汽車零件批發生意。因她是獨生女，故父母對她呵護備至，更不惜大灑金錢供她入讀港島區一所女子名校。但阿Wing並非只靠「父幹」，Andy指出：「其實佢自己都好叻，間學校全英語上堂，佢都應付到！」
拍拖時，阿Wing仍讀中四，但不時向Andy大吐苦水，指感讀書壓力很大，且對學習的科目全無興趣，久而久之衍生情緒問題，最後阿Wing決定退學，轉讀VTC（職業訓練局）的美容課程，「當年係我幫佢填表入學，佢話想讀啲自己有興趣嘅科目，所以揀咗呢科，希望可以再駁上去讀IVE（香港專業教育學院）。」
兩人曾搞小生意 樂在其中
Andy又指出，阿Wing父母有給予她足夠零用錢，但她仍不時兼職，當挑戰自己吸取社會經驗，曾經到麥當勞、壽司店做侍應，又到網吧做店員，形容「賺得唔多錢，但佢好有滿足感。」期間二人亦嘗試「搞小生意」，在商場格仔舖寄賣隱形眼鏡及一些小飾物，雖然利潤微薄，但他們樂在其中。
惟好景不常，阿Wing轉讀至VTC後，彼此關係變得疏離。Andy憶述，當年因阿Wing經常陪伴新朋友而忽略了他，又不時怪責他欠上進心，令雙方經常嘈交感情轉差，最後阿Wing提出分手，結束這段只有半年的情侶關係，自此雙方未有聯絡，各自有新的伴侶。Andy又表示，據悉分手後阿Wing拍拖曾多次「換畫」，他亦忘記她現時的是第幾任男友。
稱大家當年貪玩 分手收場
回憶當年相戀的甜蜜時光，Andy形容阿Wing是「好女仔」，「初時大家感情好好，佢會全情投入，係一位好體貼嘅女朋友！」熱戀期間，阿Wing對他千依百順，是位「廿四孝女友」，但可能當時大家年紀尚小，會貪玩貪新鮮，致雙方未能走到最後。Andy嘆道：「雖然當年佢放棄咗我，但當年大家仲細，我無怪佢，聽到佢嘅死訊之後都幾唔開心同難過，其實佢值得識個更好嘅男仔，只可惜佢揀錯男朋友……」
突發組