非法傾倒建築廢料時有發生，搞到周圍愈嚟愈多泥頭山。申訴專員公署早前主動調查堆填活動，尋日發表報告力數環保署同規劃署「六宗罪」，包括環保署巡查不嚴，令違例者能輕易避禍；規劃署執行「恢復原狀通知書」耗時過長，為罔顧法紀者造成好大誘因。唔單止縱容違法者，仲竟然由執法變咗引人犯法，環保署署長唐智強同規劃署署長李啟榮唔單止辦事不力，仲變相係製造泥頭山嘅幫兇。
