政情:瘦咗流鼻水姚思榮惹流感疑雲

近日流感大爆發,而立法會都多咗出現「口罩人」,睇嚟唔少議員都不慎中招,其中旅遊界議員姚思榮更因為鼻水問題,出現患病疑雲添!

游水習慣成日抹鼻

姚思榮話近排不時出現鼻水,而且自己身形瘦咗,所以會令人誤以為佢病咗。然而,佢就自爆係因為自己勤力維持游水習慣,所以身形Fit咗先變得瘦削,至於鼻水問題就更加好笑,佢話係游水期間有泳池水入咗鼻腔,需要過咗幾個鐘先慢慢流番出嚟,其他人見佢不時抹鼻,先會惹來患病疑雲囉!睇嚟佢嘅朋友可以放心,因為佢係勤力做運動變得健康,而唔係病咗嘞!

另外,去旅行除咗怕生病,亦怕受天氣問題影響,好似早前日本就有唔少航班受大雪影響而延誤。姚思榮就話業界已累積唔少經驗應對,加上港人已經有購買旅遊保險嘅習慣,所以天氣影響比以往細得多。

第一手消息請下載on.cc東網iPhone/iPad/Android/Windows Phone Apps