政情：公民講場：港珠澳橋又超支陳帆：最後一次

內地早前公布港珠澳大橋工程超支約一百億元人民幣，其中香港估計最少要承擔多約廿億元人民幣，即約為廿三億港元，須向立法會申請追加撥款。運輸及房屋局局長陳帆尋日表示，呢次應該係當局最後一次為大橋工程向立法會攞錢喎。港府近年多項大型基建，包括西九文化區、廣深港高鐵香港段、沙中線等，幾乎每一項都超支收場，有啲仲超咗唔止一次，香港人都唔知信唔信佢好。