政府被鬧爆愈扶愈貧，而尋日一個有關香港貧窮情況同匱乏嘅研究，更發現官方貧窮線較側重核心家庭住戶，未能有效反映獨居長者同二老家庭嘅貧窮比率，其中更發現長者嘅匱乏比率係各個年齡層中唯一上升的組別，認為官方嘅貧窮數據忽略獨居長者嘅情況。換言之，官方條貧窮線根本就劃錯咗喇，數據錯，扶貧嘅對象同方法自然跟住錯，勞工及福利局局長羅致光就認真抵打喇，仲唔快啲撥亂反正！
