政情：立會樹根化 主席白鴿齊中招

講錯「曠持日久」

話說民主黨（白鴿黨）林卓廷尋日喺立法會發言時，指拉布手段非香港獨有，建制派過去亦有拉布，雖然手段較為笨拙，但拉布只係「家家有求」。佢又批評現時建制派班長、商界議員廖長江所作嘅建議，係打破現時唔平衡嘅議會狀態，最僅有嘅脆弱平衡。佢擔心喺「曠持日久」嘅會議中，議會嘅矛盾會愈嚟愈厲害。佢拋錯書包，竟然將成語「曠日持久」講成「曠持日久」。其後佢嘅黨友許智峯（峯鴿）都被傳染，將「狡兔死走狗烹」講錯做「狡兔死走狗煮」。

亂用「以身作則」

後來班泛民輪流拋防狼器引起混亂，梁君彥話睇番帶，話民主派議員防狼器拋嚟拋去，令保安員跌倒受輕傷，叫議員「唔好以身作則」，公民黨嘅譚文豪反問係咪「以身示法」，梁君彥只係回應話「我已經講得好清楚」。好明顯梁君彥嗰句「唔好以身作則」係唔多啱意思，佢係咪將「要」噏錯「唔好」呢？