一個人講咩唔緊要，做咩先至最緊要。咪睇反對派政客平時開口民主埋口平等，大義凜然咁款，點知一遇少少磨難即刻原形畢露，佢哋自視高人一等，連坐監都要求特權，真係睇見都火滾。
呢，「雙學三子」黃之鋒、羅冠聰同周永康尋日拉隊去灣仔懲教署總部遞投訴信，要求同署長對話。原來黃之鋒坐監期間啱啱夠秤，由壁屋懲教所轉去囚禁成年犯嘅東頭懲教所，佢聲稱接受搜身程序後，按職員要求踎低身大聲回應問話，感到「侮辱」同「無尊嚴」，覺得「好似隻狗」咁話。
唔該黃之鋒醒吓喇，入得去坐監係囚犯，就要守獄方規矩，監獄管理一視同仁，理得你係鬼佬封嘅「思想家」抑或係自封嘅「政治犯」，個個犯都要剝光豬接受搜身嘅啦，唔通之鋒哥真係以為自己身份特殊，甚至係入監獄「考察」嘅「欽差大臣」，一聲令下就要為你改例咩？
懲教人員工會係咁講嘅，保安搜查係香港法例要求懲教人員嘅職責，如果忽視監獄保安同紀律嘅重要性，勢必天下大亂。係人都知，囚犯好多時利用身體藏毒甚至收埋利器，而喺身體咁多部分裏面，屁股可以話係最天然同隱秘嘅「儲物櫃」，的而且確曾經有犯人將利器藏入體內，用嚟自殘或攻擊他人。所以咯喎，無論「通櫃」、電子儀器掃描抑或要求踎低搜身，目的都係確保犯人體內冇違禁品，絕對合情合理。
所以話有啲人狗咬呂洞賓，不識好人心。睇過監獄電影嘅都知，成班男囚犯沖涼，萬一有人唔小心跌咗舊番梘落地下，千祈唔好嘗試踎低身執，否則後果不堪設想。你知喇，之鋒得罪人多，稱呼人少，正如漢奸黎被掟豬雜，難保獄內有人睇唔過眼想招呼佢，今日唔喺長官面前踎低，等到第時至踎低，隨時「後患無窮」吖。
諗起真係可笑，雙學三子真係身在獄中不知福，明明喺香港坐「風流監」，仲喺度呻到樹葉都落。好心佢哋睇吓《水滸傳》，犯人坐監先要吃一輪「殺威棒」，挫挫佢嘅氣燄先講，林沖、武松等大英雄都曾身受其害。佢哋一定覺得，中國落後唔講人權就話啫，原來佢哋最崇拜嘅美國，關塔那摩監獄離譜多多聲，水刑性虐放狗咬人樣樣齊，問你班友點頂！
講到底，懲教懲教，幾時都係「懲罰」先於「教育」。正正因為本港監獄「溫柔執法」，雙學三子之流踎完監反而更加囂張，也文也武，部分年輕人至會好似有人所講咁，「坐監當食飯」，唔通真係要「殺威棒」復出至掂？