「不自由，毋寧死」，喺好多人心中自由比起生命更為重要，而對於大部分女仔嚟講，貞操比任何嘢都重要，絕對唔容許畀其他人奪走！喺寫真美人兒田中菜菜心中，貞操的確如此重要，發誓就算係窮到貼地，都絕對唔會下海拍AV！
日本寫真女郎雖然唔會好似AV女優咁露全相，以全裸以及交歡場面誘惑觀眾，但係佢哋好識得擺出各種誘人姿勢凸顯胴體之美以及萬種風情，論誘人魅力絕對唔會輸畀AV女優！而要喺擺姿勢上顯得媚態萬千，首要條件係筋骨柔軟度高，如果柔軟到可以做出一字馬等動作就最好喇！喺寫真界當中有唔少呢類軟體女優，好似夏江美優、木村涼香就係好例子，當然亦唔少得今日介紹嘅田中菜菜啦！
21歲嘅田中菜菜初出道嘅時候，樣子帶住濃郁嘅天真傻氣，入世未深咁款的確係惹人憐愛，但係就略嫌傻傻戇戇冇乜表情！幸好隨住年紀漸大，綺麗氣質愈嚟愈濃，流露出媚態，吸引力大增。至於身材方面，田中菜菜全身肉地結實，胸前對E奶飽滿圓潤，每當菜菜側身、躺臥嘅時候對E奶亦隨動作而變形，足以證明係真材實料，唔係打假波！
田中菜菜喺6年前，亦即係佢15歲嘅時候出道，不過當然唔係拍水着寫真，而係以美少女組合「T-BREAK」成員身份縱橫各大小舞台，喺台上又唱又跳，發放青春魅力，後來菜菜離開組合，全力向寫真界以及演藝界進軍。菜菜身材如此火辣吸引，拍寫真自然有優勢，但係菜菜其實仲有絕招，就係柔軟度極高嘅肢體動作啦！從其演出嘅寫真作品當中，可以見到佢輕易地做出一字馬、拱橋等高難度動作，就係咁而成功上位！上年菜菜突然宣告減少寫真演出，仲話唔會再出寫真映像碟添，隨後即刻有傳菜菜因為工作減少而轉去拍AV！聽到呢個謠傳之後，菜菜即時予以否認，仲話呢一世都唔會投身呢個猥褻嘅世界當中喎！至於減產其實係因為要兼顧學業，不過菜菜仲會出席攝影會活動，大家唔使擔心佢會搵唔到食。
簡介：田中菜菜雖然話要兼顧學業而減少演出，但係從其Twitter當中又成日見佢同班姊妹飲飲食食以及出席攝影會活動，睇嚟喺日本讀書都幾輕鬆喎。
網址：https://twitter.com/ramennana7
年齡：21歲
身高：5呎4吋
三圍：34E-23-34
撰文：賢