基本能力評估及評估素養統籌委員會下月會就改良版TSA、即小三基本能力評估（BCA）嘅安排，向教育局局長楊潤雄提交報告。外界一直關注學生操練情況，楊潤雄尋日喺電台節目話，唔同階段都會有操練，唔同人對操練都有唔同理解嘅，仲批評社會太容易將一啲事件講成操練喎。其實教育局嚟緊都有唔少棘手嘢，包括中史獨立成必修科、校園「播獨」、國民教育等等，楊潤雄想法咁樂觀積極，相信都唔會放呢啲棘手嘢在眼內，唔通佢有信心可以一一完成任務？
