政情：今日你上鏡：徐英偉 蔣東強「變身」賀長者日

勞工及福利局副局長徐英偉（Caspar）同中華電力總裁蔣東強尋日分別「變身」為美國西部牛仔同埃及法老王。萬聖節都過咗半個月喇，佢哋兩個做乜無啦啦又喺度玩角色扮演呢？原來今日係長者日，佢哋尋日提早同一班長者喺啟德郵輪碼頭慶祝，仲特登着上唔同地方服裝，等少出門嘅長者感受吓異國風情。之不過點解要扮呢兩個角色，蔣東強就話，「老友記」多年來為香港作貢獻，就好似埃及寶藏咁，所以就打扮成埃及法老王，佢仲話希望啲「老友記」都好似Caspar扮嘅西部牛仔咁有活力喎，真係識賣口乖。