中環出更：李永達夥神秘人密會漢奸黎
全國人大常委會基本法委員會主任李飛日前訪港，就中共十九大報告及《基本法》第二十三條立法等議題發表重要講話，再加上粵港政府正式簽署高鐵一地兩檢合作安排、反對派就立法會兩區補選開會協調等，又係外號「漢奸黎」嘅壹傳媒黎智英攪局亂港之時。
尋日中午約一時二十五分，漢奸黎名下嘅七人車，載住民主黨前立法會議員李永達同至少一名神秘男子，駛入漢奸黎位於何文田嘅寓所。眾人喺黎宅內逗留咗長達三個小時，到下午約四時二十分先乘坐原車離開。
搭專車離開時不停兜路
過往李永達乘坐漢奸黎嘅專車離開，一般都會喺太子港鐵站附近落車，但今次架七人車就喺何文田至旺角一帶左穿右插、不斷兜路，明顯係想逃避記者追訪。加上七人車後座車窗都拉埋咗窗簾，令外面睇唔清車內到底仲有幾多個乘客以及係乜嘢人，只見到坐喺車頭司機旁邊嘅李永達，相當鬼祟。七人車最終喺太子至旺角一帶消失於車群之中。
卓妮