幾經波折，政府提出明年落實自願醫保計劃，用稅務扣減吸引市民購買醫療保險，有保險業人士指雖然「高風險池」仍冇着落，但總算對推動醫保有進步，「好似太空人行第一步」。老實講，自願醫保計劃爭議不休，拖拉咗幾年都落實唔到，真係慢過蝸牛，若果食物及衞生局局長陳肇始仲唔拋啲誘因出嚟，睇怕好似保險業人士話齋，「可能幾十年都搞唔到醫療改革」呀！
