政情：今日你上鏡：區志光為政總飯堂平反

政府總部嘅飯堂出名難食，唔少人食過都怕怕，好多喺政總返工嘅人仲專登行過去隔籬立法會嘅飯堂醫肚，搞到立法會飯堂喺午膳時間要預留幾張枱畀工作人員添！早前見到保安局副局長區志光同保安局政治助理劉富生喺政府總部行「孖咇」，區志光就為政總飯堂平反，佢話唔覺得難食。咁佢食過乜嘢咁好味呢？原來佢淨係食過三文治！咁樣聽落，唔知係咪因為三文治冇乜特別，所以都好難整到難食呢？