政情：番薯賣座 擴展版圖 鍾樹根投資大米

日曬雨淋 美容急救皮膚

樹根尋日出席公開活動時表示，於海南島種植的番薯唔夠賣，所以只能留小量番薯畀家人食，而他亦大讚種植的番薯夠美味，而且品種繁多。咁好收成都唔係無代價，皆因樹根早前透露因種番薯日曬雨淋，而需要做美容急救皮膚。

樹根話今早會啟程往洛陽及武夷山視察當地農業項目，主要擔當支援的角色，而上周佢亦曾赴哈爾濱，觀看當地收割大米，直言今年大豐收，更指出東北出產的大米出名，亦開腔指業務已經不再局限於番薯種植。依家佢已經不時要靠海南島當地人員傳送相片，以了解番薯嘅種植情況，遲啲種埋大米真係忙上加忙。