政情：「冧友」選完主席 張宇人即退會
立法會十八個按政策分工嘅事務委員會，上周四選出本年度正副主席，而喺建制泛民協調下，大部分席位都係自動當選。選舉完結咗，大部分委員會仲未再開會前，身兼自由黨主席嘅立法會議員張宇人（Tommy）「急減磅」，尋日去信退出三個事務委員會。
早前有指建制派為咗確保多個委員會嘅正副主席人選，喺大部分委員會「冧友」確保有足夠人數加入，以免畀泛民有機會突襲，上周四，大部分正副主席嘅位置，亦按劇本順利選出。
屬「搶位」策略 防泛民突襲
一如以往，喺各委員會選出正副主席後，陸續就有議員退出各委員會。事隔幾日，Tommy已去信畀資訊科技及廣播事務委員會、財經事務委員會同公務員及資助機構員工事務委員會，話因應工作調整，要退出呢三個委員會。唔知陸續仲有幾多個議員會退出不同嘅委員會呢？