指「好似隻狼咁」鄰居「親情牌」游說
【本報訊】「我個B（三歲女兒）仲喺入面瞓緊覺，點算呀？」葉家大女兒一臉惶恐向鄰居求救。有份施援的姓麥（六十六歲）男鄰居憶述，事發時他正在家中觀看球賽，聽見有人拍門高呼，開門驚見葉家兩名女兒手抱着一歲幼女向他求救，其中三女兒眉心位置中刀，血流披面，他發現葉妻正拉着家中鐵閘，左前臂有一道約五厘米長的刀傷。麥安頓好葉的女兒後到事發單位察看，只見男戶主手持利刀在屋內踱步，「好似一隻狼咁」。
「係你屋企人 唔好咁殘忍」
麥着葉妻到其他街坊的單位接受初步包紮，自己則聯同兩名聞訊幫忙的「後生仔」鄰居，拉緊鐵閘，並勸喻葉翁：「佢哋係你屋企人，唔好咁殘忍，咁樣傷害佢哋。」惟對方未有回應，不斷喃喃自語：「今次無啦，報咗警，一陣差人嚟到，我死梗啦。」當警員及救護員到場時，葉翁情緒大致回復平靜，自行換上長袖衣服，等候警員押走。
麥續稱，葉家甚少發生爭執，估計血案有一部分歸因於屋小人多，「可能啲細路嘈，搞到佢（葉）失控。」葉的大女兒曾擔心父親傷害到另一名孫女，麥安慰道：「無事嘅，你信你爸爸啦，佢唔會斬個孫嘅。」