【本報訊】恐怕砸傷無辜？「灰爆男」商場內跳樓前，預先掟遮示警。現場深水埗欽州街西九龍中心商場，昨午五時許，一把雨傘突從商場內高處墮下，直跌落地下大堂，幸無人被擊中，相距數分鐘後，一名男子亦在相同位置凌空墮樓，頭部重創倒臥血泊，引起商場內大批顧客驚慌走避，警方及救護員接報趕抵，證實事主已傷重死亡，警員用帳篷遮蓋屍體調查。
期間，在死者身上檢獲證件及遺書，獲知事主姓鄧（六十五歲），遺書內容透露因生活問題「灰爆」萌死。警方相信事主在商場六樓，跨越圍欄跳樓，並預先掟落雨傘，懷疑他避免殃及無辜壓傷人。目前已聯絡其家人協助。
目擊事件姓梁攤檔東主指：「嗰時地面唔係好多人，比較靜，可能佢唔想砸到人，所以預先掟把遮落嚟，警告啲人唔好行埋嚟！」梁又稱，擺檔十多年，知道西九龍中心發生多宗墮樓，但今首次目睹，由於墮樓位置與其攤檔僅隔數步距離，感到震驚，往後亦會留意。