施政報告提出補貼市民交通費，但計劃就唔包括邨巴同紅色小巴（紅Van）惹來批評。補貼交通費作為新政府爭取民心嘅重要一環，負責嘅運輸及房屋局局長陳帆點敢怠慢，尋日即刻話有得傾，會返去研究吓喎。不過，今次計劃係透過八達通補貼，現時好多紅Van都仲未有八達通收費機，加上陳帆自己都話呢啲車輛嘅收費水平唔係經政府審批，佢咁快就應承研究納入補貼範圍，萬一諗唔到辦法解決，唔通陳帆到時帶埋流動八達通收費機落區幫邨巴同紅Van收錢？
