市民轟杯水車薪 未紓長途車負擔

【本報訊】跨區工作的打工仔女交通費負擔沉重,政府宣布用公帑補貼市民交通費,但每月補貼上限三百元。有跨區工作的市民坦言,每月交通費近千元,生活負擔頗大,甚至影響儲錢買樓計劃,批評政府補貼金額杯水車薪,但又人人有份,未有對症下藥減輕長途車乘客交通費負擔,「好似毫無目的咁派錢。」

東涌居民:儲錢艱難

廿五歲的曾東華從事藥廠品質檢查工作,月入約一萬四千元,家住東涌逸東邨,每天乘巴士到東涌站,再轉港鐵到元朗朗屏上班,車程一個多小時。雖然他買了港鐵的「東涌—南昌」全月通加強版,但每月交通開支仍接近一千元,坦言負擔頗大,「我好慳家,每個月都儲四千至五千蚊,打算有朝一日可以買樓,坐車要成千蚊,令我儲少好多錢!」

曾東華稱,東涌區內職位選擇不多,以服務業為主,但他想從事科研背景工作,「我哋呢啲年輕人,無可避免要跨區工作,(工作地點)近啲嘅人每月交通費都七百、八百蚊,遠嘅一個月過千。」新計劃下,他每月約可獲一百五十元補貼,批評補貼額杯水車薪,「成二百萬人受惠,補貼自然唔多,但係咪可以幫到跨區工作的人?依家人人受惠,好似毫無目的咁派錢。」

上水居民:可以接受

任職強積金顧問的鄧先生要由上水坐港鐵到尖沙咀上班,加上需出去見客,每月車費近一千四百元,料可獲二百五十元補貼。他稱,交通開支佔月薪約百分之五,加上要養家,負擔沉重,「食個快餐店午餐都係廿幾蚊,午餐可以唔食,但車費冇得慳,少一毫子都買唔到車飛。」他滿意政府以公帑補貼市民車費,認為補貼水平可以接受。

第一手消息請下載on.cc東網iPhone/iPad/Android/Windows Phone Apps