涉及醫委會改革嘅《2016醫生註冊（修訂）條例草案》，因時任醫學界議員嘅梁家騮喺上屆立法會拉布，提出破紀錄嘅逾十一萬項修正案，終於草案被拖死咗，到立法會換屆後，醫學界議員陳沛然亦一副戰鬥格，揚言若果傾唔掂，亦唔排除拉布。拉鋸咗成年，政府尋日終於讓步，削減兩個官方代表畀醫專，連之前有好大意見嘅醫學會都話妥協收貨，睇嚟喺立法會審議相關草案嘅時候，陳沛然唔使拉布，連提修正案都可以慳番嘞！
