男人練到一身肌肉固然係有型又有男人味，甚討女士們歡心，相反肌肉女就未必得到男士垂青喇！之但係，日本寫真界有一位索女苦練出肌肉而令吸引力大大提升，佢就係平塚奈菜，阿妹笑言其G奶之所以咁堅挺，係因為佢已經練成肌肉胸喎！
唔少女星年紀愈大愈有吸引力，喺日本寫真界亦一樣，唔少女優隨年月增長而變得愈來愈索，例如已經出道13年嘅手島優及今野杏南，一直都有保持性感演出，從中可以清楚察覺到佢哋不論喺美貌抑或胴體都較初出道時期更為迷人，最近兩人不約而同都有突破性感尺度嘅演出，將處於最高峰狀態嘅美態盡情展露！
無獨有偶，呢兩位女優都係出道於2004年，今次小弟為大家介紹嘅平塚奈菜又係喺呢一年出道。平塚奈菜今年32歲，由初出道時嘅美少女Feel變成成熟嘅姊系氣質，呢個改變實屬良性，醞釀出濃郁女人味以及妖艷媚態相信更貼合現今男士們嘅胃口。除咗美貌上更勝當年，奈菜嘅身材更加弗過舊時，一副35-23-35身材婀娜且鮮嫩，胸前嘅G奶仲堅挺彈手，正！
早前喺一訪問中，平塚奈菜被問到出道13年有咩感受，阿妹則好開心話咁多年來因為寫真女優嘅身份而自豪，仲識咗好多寫真女優令生活變得充實。之後又被問到點解年過30歲，對G奶仍然咁大咁堅挺，奈菜就笑笑口話可能係因為經常飲豆漿，同埋持之以恒去健身，尤甚係做健胸運動，令G奶因為咁而變成肌肉胸，估唔到奈菜咁識講笑喎！
雖然奈菜平時的確係幾親切，但係佢喺電影以及舞台演出當中多數都係扮演惡女角色，喺12月阿妹又有舞台劇《山貓》上演，相信佢又會發揮惡女本色喇。除咗扮惡女，奈菜喺感情上同樣扮演強勢嘅一方，事關阿妹話自己鍾意嘅對象係老實型，冇乜男子氣概嘅弱雞男！阿妹，小弟我雖然平時咁大男人，但係有需要都可以扮演弱雞男，不妨考慮一下搵我做男友吖！
年齡：33歲
身高：5呎4吋
三圍：35G-23-35
簡介：平塚奈菜近期頻頻出席攝影會搵食，從其Twitter當中可以睇到攝影會嘅花絮，當然仲會有好多養眼嘅性感照欣賞啦，有興趣不妨Click入去睇喇喂！
網址：https://twitter.com/hiratsukanana?lang=ja
撰文：賢