中環出更：國泰又延誤 累陳肇始錯過行會
因管理不善而從全球最佳航空公司排名榜排名節節下跌嘅國泰航空，又出現航班延誤，今次仲累及食物及衞生局局長陳肇始尋日朝早「甩轆」，趕唔切準時返港出席行政會議，兼喺會議前公布醫委會改革有關修訂《醫生註冊條例》草案中嘅醫委會組成事宜，臨時由行政長官林鄭月娥頂上代替公布。
遲逾四句鐘始抵港
林鄭今早爆出，陳肇始因無法趕返港，故由佢臨時頂上。據知，陳肇始由澳洲布里斯班乘搭國泰CX156航班返港，原定計劃尋日朝早七時三十五分抵港，可趕及出席行政會議，以及喺會前公布醫委會改革相關事項。但因CX156航班延誤逾四小時，預計延至早上十一時五十分才抵港，導致陳肇始錯過咗行會，更無法趕及喺會前作出相關公布。消息指，陳肇始最終喺十二點抵港。
另一班前日由香港飛澳洲布里斯班國泰嘅CX157航班，一度遇上氣流後，被迫轉飛馬尼拉，至少一名乘客同六名機組人員受傷，未知同尋日航班延誤係咪有關連呢？
卓妮