政府宣傳片教落，九成九高仿等於百分百冒牌，以身試法賣假貨，隨時監都有得坐。之不過凡事都有例外，南亞兵團身強力壯，加上一張「行街紙」在手，等於攞正牌搵食，呢啲咪同人唔同命囉。
唔係講笑o架，本報記者最近喺西鐵元朗站附近視察，發現每日搭正晏晝兩點，就會有幾名南亞裔人士擺檔賣冒牌波鞋同手錶。南亞A貨兵團分工仔細，去貨倉攞貨、叫賣，喺附近做天文台睇水、補貨……各司其職，有條不紊，有關注團體估計背後涉及黑幫操控，相信雖不中亦不遠。
咪睇小呢啲生意仔吖，記者觀察所得，短短一個下午就有二萬大元進帳，認真和味，就算期間遇到警員截查都冇有怕，只要出示隨身攜帶嘅行街紙就可以輕鬆過關。利錢大風險小，難怪南亞A貨兵團遍地開花，除咗元朗之外，深水埗亦係重災區，其中桂林街、北河街一帶專攻冒牌波鞋，每對二百銀有交易；而每到周末，中環交易廣場至遮打道一帶更淪為「雜貨天堂」，主打女性日用品市場，深受外傭青睞。
正常嚟計，賣冒牌貨始終係違法行為，應該驚驚青青，金睛火眼(目及)實有冇執法人員拉人封艇，隨時準備走鬼至係，南亞兵團啱啱相反，居然夠膽死喝令附近排檔檔主快啲收舖，方便佢哋盡早「鵲巢鳩佔」，大搖大擺，掗掗拃拃，好似慌死人唔知佢哋為非作歹咁，真係唔到你唔服。
話時話，賣冒牌貨海關可以執法；取酬工作入境處可以拉人；至於打擊阻街、非法擺賣就係食環署職責範圍，南亞A貨兵團衰晒三瓣都仲可以無王管，唔使問阿貴，又係港府部門各自為政，互相扯皮惹的禍。特別係食環署惡吏，欺軟怕硬，揀人嚟恰，對住老弱無牌小販就話勢兇夾狼，可以逼到人跳海；對住賣紙皮婆婆就話鐵面無私，可以又拉又鎖啫，南亞大漢噸位十足，容乜易打番轉頭o架，梗係街頭見到運街尾走啦，吓話！
當然喇，假難民膽正命平，就算一個唔好彩失手被擒入冊，裏面好食好住準時出糧，咪當另類度假囉；獄方膽敢「怠慢」呢班大帝，分分鐘被告將官去，貼錢送瘟神，假難民有恃無恐，唔抓緊機會搵真銀就笨咯。大家有眼見，除咗組團賣A貨，假難民替黑幫睇場、販毒、貼街招樣樣齊，最近甚至連撞車屈錢黨都撈埋，真係強國人都自嘆不如。
長氣都係咁話，要徹底杜絕假難民來港誘因，始終都係退出國際難民公約，對人蛇實行即捕即解，內地同台、澳當局做得到，點解港府做唔到？