港足球迷前晚再喺國際賽噓國歌，引起社會關注。其實內地已實施《國歌法》，香港稍後亦會進行本地立法，球迷日後咁做隨時違法。唔單止球迷，香港足球總會亦唔可能甩身，好似兩年前港足對國足嘅世界盃外圍賽，足總就因為香港球迷噓國歌而被國際足協罰款近八萬蚊，對方仲講明再有下次，罰得仲甘。點知今次球迷再犯，足總主席梁孔德就話國歌一定要奏，但球迷嘅行動就控制唔到，一副放棄態度，唔通佢已經準備定罰款？
