探射燈：保育區鋪石屎路 霸地者泥沙覆蓋當還原
被劃作「自然保育區」的已出租官地曾被鋪設石屎路，規劃署勒令恢復原狀後，卻僅以泥沙鋪在表面，企圖蒙混過關。法律界人士稱，如未符要求，執法部門有權要求相關人士重新進行還原，及就進入土地所招致的開支進行追討。
整條剷起費用高
「佢哋霸咗幅地，用石屎鋪好埋，方便佢哋自己上落做挖泥工程，你話佢哋行為幾自私？」據知情人士透露，規劃署曾發出通知書，要求將官地回復原狀，惟最後事主僅在石屎路面鋪泥覆蓋，「瞞騙」相關部門已還原，「前排落大雨，沖走晒啲泥，成條石屎路又露番出嚟。」
有工程界人士指出，如將石屎路整條剷起，費用可近十萬元，惟鋪上泥沙，則只需二十分之一的價錢。法律界人士梁永鏗稱，「『恢復原狀』嘅意思，係將石屎路全部剷起，還原成原本狀態。喺上面鋪咗層泥就當做咗，政府有權要求事主重做，同支付相關還原費用。」
