政情：張雲正下月同新聞主任拉埋天窗

今年五十五歲嘅公務員事務局前局長張雲正將脫離鑽石王老五行列，與「八十後」新聞主任Florence結婚。有政界中人陸續收到以張雲正及Florence名義發出嘅喜帖，邀請親朋好友於十月二十二日出席在尖沙咀半島酒店舉行結婚典禮，當晚將有證婚儀式。

政務官出身嘅張雲正，「名草有主」消息於去年三月曝光，官場盛傳張雲正戀情萌芽始於二○一一年開始任海關關長時與Florence共事邂逅，及後開花結果；而於前年七月，張雲正獲任命為公務員事務局局長，而Florence亦於其他政府部門繼續出任新聞主任。

還記得新政府籌組問責團隊時，張雲正原被視為「升呢」政務司司長熱門人選，但據聞為咗照顧年逾九十歲嘅母親，佢選擇離開官場冇過渡至新政府，之後就傳出張雲正與Florence快將結婚嘅消息，最終二人於今年拉埋天窗，十月正式結婚。