香港教育大學民主牆上有人張貼標語，奚落教育局副局長蔡若蓮喪子，做法引起全城共憤，被批評係「播港獨心腸又毒」，更有網民要求懲處涉事人士，以及取消佢哋嘅學籍！事件亦引發最少五百位校長聯署，有個別校長聲言「永不錄用」教大畢業生，更有約十個學生被取消實習機會。貼大字報嘅人分明就係累街坊，搞到其他同學「躺着也中槍」。教大校長張仁良如果唔嗱嗱聲拆彈，採取具體措施跟進，小心啱啱升格大學嘅招牌蒙羞呀！
