社工曾健超喺佔領行動期間因為拒捕同襲警，被法庭判囚五個禮拜，佢早前已經完成服刑。之不過，事件並無因此而告一段落，社工註冊局紀律聆訊委員會之前就裁定佢專業失德，甚至建議要「釘牌」半年作為懲處，但註冊局竟然開咗足足兩次大會都未決定懲處。而佔中搞手、港大法律系副教授戴耀廷之前亦都接受咗預約拘捕，但至今都唔使坐監，難怪近日有數以萬計市民聯署叫港大將佢革除。犯咗法都有保護傘罩住，真係冇天理！
