中環出更：漢奸黎又攪局 密會陳淑莊李漢奸
身兼傳媒老闆、天主教徒、且經常將民主自由掛在口邊嘅壹傳媒黎智英（漢奸黎），不時都喺寓所安排密會攪局，等啲泛民政黨可以秘密赴會「拜金主」，攪局嘅常客不外乎有李漢奸之稱嘅民主黨創黨主席李柱銘，以及一眾來自民主黨、公民黨嘅政客。漢奸黎尋日又再攪局密會泛民政客。中午時分有稀客公民黨立法會議員陳淑莊，傍晚就有李漢奸等人，唔知又密謀咩亂港大計？
另有四至五名外籍人士
尋日中午時分，甚少出席攪局飯局嘅陳淑莊，乘坐漢奸黎嘅座駕現身佢寓所，逗留咗大約兩個鐘頭，到下晝兩點幾先至坐車離開，未知佢逗留期間係唔係陪漢奸黎午膳。
傍晚大約六點半，李漢奸獨自一人坐的士到漢奸黎寓所，但落車時風大雨大，李柱銘要自己撐遮擋雨，情況幾狼狽。其後仲有四至五名外籍人士，分批坐屬於漢奸黎嘅車抵達其寓所，至晚上九時半先結束。漢奸黎到門外送客後，各人分別坐車離去。
卓妮