港區全國人大代表將喺年底進行換屆選舉，政圈盛傳其中一個有意參選嘅係中華總商會會董張俊勇。佢嘅爸爸中華總商會永遠榮譽會長張成雄早前出席中總會員大會嘅時候，被問到阿仔係咪想選人大，張成雄就話唔知道，仲話自己好耐冇見個仔添，因為兩人並唔係一齊住嘅，依家一個禮拜都未必見到一次，要一個月先見到一次喎！咁講唔知係唔係想見多啲個仔呢？
