為沖涼洗衫解畫 林指太太主意

【本報訊】外界質疑林子健報稱被擄走事件的說法疑點重重,包括於西貢沙灘乘的士返回家中後洗衫,變相自行毀滅證據,林子健昨有新說法稱「其實我都無諗咁多嘢」,當時是聽取太太建議洗澡及浸洗衣服。

原定到私院「拔釘」

林又稱,自己第一時間沒有打算報警,原定打算到私家醫院求醫「拔釘」,家人亦反對舉行記者會及報警,但最後被民主黨創黨主席李柱銘,以及民主黨前主席何俊仁二人說服召開記者會。

林子健稱平日只會進食兩餐,被帶走後感到肚餓,而的士落車的地點附近有快餐店,遂買兩個魚柳包進食後回家。林又稱回家後「嚇親家人、太太」,自己其後脫去衣服在梳化上休息,事後有把於家中拍攝的照片予記者看,但以家人反對及「太肉酸」為由拒絕公開︰「無人想整個身體暴露畀人睇,一啲都唔好玩,我唔係影寫真集嘅人。」

對於回家後洗衫被指毀滅證據,林子健稱,自己身上帶有鹹水、沙石等,衣物亦滲出臭味,因此回家後在梳化躺了一會,然後聽從太太的建議浸洗衣物和洗澡︰「我太太叫我去浸(衫),我又好聽話去浸,咁你唔諗吓,咁即係去毀屍滅迹,或嘗試去毀滅證據,其實我都無諗咁多嘢。」

第一手消息請下載on.cc東網iPhone/iPad/Android/Windows Phone Apps