外界批評大學生嘅水平不斷下降，香港大學前校長兼港科院院長徐立之尋日發炮，批評當局推行新高中學制時思慮不周，要求大學以文憑試「3322」成績作為最低入學門檻，仲大爆當年大學校長並唔願意，認為應該同時要求學生選修科成績達標，但係當局態度強硬，好似「用槍指住大學校長」。追溯番當年推新學制嘅係教育局前局長孫明揚，即係話孫公夾硬嚟喇，但點解當年八大校長要就範呢？正所謂過海神仙，依家開槍射番孫公，乜都冇用喇！
