古時代由於重男輕女嘅觀念嚴重，一般嚟計人們都唔係咁鼓勵女仔習武，但係家陣就唔同喇，好多女仔都習得一身好武功，認真係睇得又打得，所以男士們面對心儀女仔時千祈唔好郁手郁腳，否則分分鐘被對方打低，失禮於人前呀！而原彩香呢位寫真界新貴就係呢種睇得兼打得嘅美人兒，佢除咗鍾意打排球，亦係泰拳高手！
有調查顯示適婚年齡嘅女仔會更難搵到伴侶，除咗因為本地女多男少嘅情況愈益嚴重之外，亦因為好多男士已經成家立室，要搵對象結婚更增加難度。作為一介單身貴族，小弟對於女多男少呢個情況本應感到慶幸，但係諗吓諗吓，女仔人數多同我其實冇乜直接關係，因為家陣女仔對伴侶要求高，同時佢哋亦生得高，而身高只有5呎嘅小弟實在好難畀佢哋睇得上眼，所以都係疊埋心水無伴終老算喇。喺日本寫真界，擁有高挑身材嘅寫真妹亦有好多，身高達到1米7嘅女優比比皆是，好似朝比奈彩、葉加瀨麻衣、早瀨彩等，而擁有「寫真界最強Body」稱號嘅染谷有香嘅身高更有1米75添！至於今日為大家介紹嘅原彩香亦係高妹一名。21歲嘅原彩香樣子俏麗可人，笑起上嚟甜美天真，一雙明眸神采十足而帶點妖媚，予人深刻印象。原彩香嘅身材同樣令人一見難忘，阿妹身材高挑，雙腿修長纖幼，上圍亦斤両十足，如果條腰減多一兩吋就更加完美喇！
原彩香美貌與身材兼備，出道拍寫真以來人氣不斷上升，工作當然亦愈來愈忙碌，簡直令阿妹抖不過氣，事關佢現時係大學生，平日返學同寫畢業論文都已經花咗佢好多時間，跟住仲要演出舞台劇同拍電影，近期原彩香就忙於為有份參演嘅電影《沒有教科書！》四出宣傳，真係忙到原彩香頭都暈埋。香妹表示雖然工作壓力大，但係亦成為令佢發憤向上嘅原動力，況且幾忙都好，佢亦會保持每日做運動嘅習慣，佢最鍾意就係打排球同打泰拳喇！原彩香話每次向排球大力扣殺又或者向沙包猛力揮拳時，都會將壓力發洩晒出嚟，仲會感受到生命相當充實添！咁識得減壓，唔怪得原彩香成日都笑吟吟咁開心啦！
年齡：21歲
身高：5呎7吋
三圍：33-25-36
簡介：原彩香近期公私兩忙，而阿妹幾乎每一日都會將最新動態透過社交網公開畀大家知道，想緊貼阿妹嘅最新消息就要Click上去留意喇！
網址：https://twitter.com/ayapn24?lang=ja
撰文：賢