乘客生死時速 勇漢搶軚救車

救車英雄為休班同行

煞停巴士的陳福（五十六歲），人稱「福哥」，亦是直通巴司機，主要返中更，工作時間由中午一時至凌晨一時，因他居內地，故昨凌晨放工後，乘坐直通巴回深圳，當時他坐在司機位後第二排，途中赫見前方有車「死火」，其後則有一輛輕型貨車不停閃燈，惟不覺直通巴減慢車速或有迹象「抽頭」，他形容：「可能佢留意唔到。」

他見狀即與前排乘客一起大嗌，王立即抽頭出中線，惟左邊車頭撞向輕型貨車，「撞完左再撞右，撞咗兩次，架車撞得好犀利！」「福哥」稱：「直到架車減慢，我去睇吓佢（司機）有冇事，我見駕駛座冇人，就知佢飛咗出街，於是煞停架車。」他落車查看，發現王伏在路中毫無知覺。「福哥」初時以為自己無受傷，逕自返回內地，惟昨晨起床後感頭及腳部都疼痛難當，懷疑撞車時扭傷，昨午回港到醫院檢查。

車廂混亂 眾人尖叫聲四起

車禍中多名乘客受傷，乘客劉先生指車身突然猛烈碰撞，車上乘客失平衡，有人被凌空拋起、跌出座位，有人則撞向椅背或其他硬物，期間有人大叫：「司機唔見咗，飛咗出車呀！好恐怖呀！」他則因坐在近車尾位置，故感受到的撞擊力較小。另一名坐在後排的乘客稱，事發時正睡覺，聽到有人尖叫始知出事，多人驚惶失色，車廂混亂，有人更大叫「好痛」，而旅巴則仍在行駛，幸有乘客挺身救車。