漢奸黎自我告白 壹淫媒小命不長

漢奸黎呢篇名為《一個創業者的道白：服務──無形的貨品》嘅文章，由睇相佬話佢會發達開始，之後講埋點樣經營及出售佐丹奴，兜咗十九幾個圈之後終於入正題，話自己最大嘅問題係做咩事都做唔長，一旦生意唔再有新鮮感，就會覺得「倦怠無聊」，出售佐丹奴轉行經營壹淫媒就係咁解。佢老哥仲以「創作人」自居，話不在乎天長地久，只在乎刺激好玩，當一件事令佢冇晒好奇心就要「知難而退」，交畀其他人接手，「不要試圖解決過時的困難，克服的是走往將來的障礙」，否則就係害己害人喎。

大家有冇發覺，呢篇嘢文不對題，同服務之道一毫子關係都冇，反而係漢奸黎嘅契弟自白，表面上講佐丹奴，實際上講壹淫媒，自言自語一大堆，無非話畀人知佢做壹淫媒做到厭嘞，冇晒刺激嘞，賣仔係迫不得已啫。仲有喎，佢唔提自己反中亂港兼經營不善嗰一筆，亦唔提「賣員工落妓寨」呢一筆，淨係為自己做契弟開脫，話咩生意有困難唔好試圖克服，應該為將來掃走障礙，歪理多多，擺明嫌蝕到趴街嘅壹淫媒佗手褦腳，家陣係時候丟棄包袱喇。

睇到啦，漢奸黎自宣布賣仔做契弟後，先後寫咗幾篇廢文，先話「歷史將站在我們這一邊」，將自己塑造為悲劇英雄；然後由洋助手接力，以電影《鄧寇克大行動》自吹，肉麻當有趣；再到家陣直認做生意冇次做得長，暗示壹淫媒即將玩完。契弟三部曲有晒鋪排，有晒脈絡，最後嘅結論好清楚，之唔係契弟走得摩，賣得快好世界，所謂民主大業喎，不過係一盤生意咋。

所以話啫，漢奸黎失驚無神自我告解，點會冇原因吖，佢老哥賣得佐丹奴，賣得壹電視，賣得《壹週刊》，一樣可以賣埋爛果報。講到尾，始亂終棄係契弟本性，何況壹淫媒唔止無利可圖，直情係流血不止嗰隻，根本唔撐得幾耐。可憐嘅係跟佢搵食嘅員工，為淫媒漢奸賣命咁多年，到頭來畀人一腳伸落大海，唔淒涼就假。

話時話，漢奸黎一旦徹底自宮，變賣所有業務，打爛飯碗嘅點止淫媒員工，仲有大班反中亂港嘅政客，淨係長毛梁國雄啫，損失就唔少嘞。但點講都好，壹淫媒禍港殃民咁多年，係時候收檔喇，唔該大家準備好紙船明燭，送佢上路。