政情：葛兆源大讚實習生夠坦白
唔少大學生喺暑假都投入實習行列，希望盡早了解社會，感受打工仔生活。工聯會荃灣區議會葛兆源都有聘請大學生做實習，仲大讚年輕人夠坦率，夠晒直腸直肚，皆因連將佢當成泛民都講埋出口囉！
把工聯會誤當泛民
葛兆源透露，嗰個實習生講明為體驗，加上商科出身對時事唔太認識，所以喺準備見工初期，一直都誤將工聯會當成另一個同樣大打勞工市場嘅泛民政黨，佢仲要直至準備見工上網先分清楚兩個政黨咋！
不過，葛兆源最估唔到係該名實習生會咁坦白，搞錯咗都如實向佢講。眼見佢重提呢件事仍表現激氣，但佢對嗰個實習生表現仍然有讚無彈，講明員工最緊要都係幫到手咁話。
而佢太太、元朗區議員劉桂容（阿容）亦話對一名年輕應徵者印象深刻，因為見工前打電話問有乜嘢要準備，連衣着要求都問到足。